கலிபோர்னியா, ஏப்.6 (டிஎன்எஸ்) யாஹு நிறுவனத்தின் புதிய தலைமை நிர்வாகியாக பொறுப்பேற்றுள்ள ஸ்காட் தாம்ஸன் ஆட்குறைப்பு நடவடிக்கையை மேற்கொண்டுள்ளார்.

கடந்த இரு ஆண்டுகளில் நிறுவனத்தின் தலைமைப் பொறுப்பில் இருந்தவர்கள், கூகுள், பேஸ்புக் போட்டிகளைச் சமாளிக்கத் தவறியதால் யாஜு நிறுவனத்துக்கு பல மில்லியன் டாலர்கள் நஷ்டம் ஏற்பட்டதாக ஸ்காட் தெரிவித்தார்.

எனவே பணியாட்களை குறைப்பதன் மூலம் சிக்கன நடவடிக்கைகளை ஸ்காட் மேற்கொள்ளத் திட்டமிட்டுள்ளார் என்று செய்திகள் தெரிவிக்கின்றன.

இதற்கு முன்பு கடந்த 2011ல் யாஹுவில் 14 ஆயிரம் பணியாளர்கள் இருந்தனர். இப்போது இவர்களில் 2 ஆயிரம் பேரை நீக்குவதன் மூலம் ஆண்டுக்கு 375 மில்லியன் டாலர்களை சேமிக்கவும் வரிகள் மூலம் 45 மில்லியன் டாலர்கள் வரை சேமிக்கவும் யாஹு முடிவு செய்துள்ளது. (டிஎன்எஸ்)