சென்னை, ஏப்.21 (டிஎன்எஸ்) சென்னையில் உள்ள சேப்பாக்கம மைதானத்தில் இன்று (ஏப்.21) ஐபிஎல் போட்டித் தொடரின் 26-வது லீக் ஆட்டம் நடைபெற்றது. இந்த ஆட்டத்தில் தோனி தலைமையிலான சென்னை சூப்பர் கிங்ஸ் அணியும், ராகுல் டிராவிட் தலைமையிலான ராஜஸ்தான் ராயல்ஸ் அணியும் விளையாடின.
டாஸ் வென்ற ராஜஸ்தான் ராயல்ஸ் அணி முதலில் பேட்டிங் செய்வதாக அறிவித்து களமிறங்கியது.
நிர்ணயிக்கப்பட்ட 20 ஓவர் முடிவில் ராஜஸ்தான் அணி 4 விக்கெட்டுகளை இழந்து 146 ரன்கள் எடுத்தது.
இதனையடுத்து 147 ரன்கள் எடுத்தால் வெற்றி என்ற இலக்குடன் சென்னை அணி கறமிறங்கியது.
சென்னை அணி 20 ஓவர்களில் 3 விக்கெட் இழப்பிற்கு 147 ரன்கள் எடுத்து, 7 விக்கெட்டுகள் வித்தியாசத்தில் வெற்றி பெற்றது. தோனி 15 ரன்களும், பிராவோ 16 ரன்களும் எடுத்து கடைசிவரை ஆட்டமிழக்காமல் களத்தில் இருந்தனர்.
டு பிளிசிஸ் ஆட்டநாயகனாக தேர்வு செய்யப்பட்டார்.
இதனால் சென்னை அணி புள்ளிப் பட்டியலில் 8 புள்ளிகளுடன் மூன்றாமிடத்திற்கு முன்னேறியுள்ளது. (டிஎன்எஸ்)
Apr 21, 2012
* Do not use semicolon(;)